Լուրեր
Նահանգի գրեթե բոլոր քաղաքական գործիչները ուզում են հանդիպել Փաշինյանի հետ. Կալիֆոռնիայի սենատոր
  • 22:00
  • 2019-09-22
  • Դիտումներ՝ *

«Առաջին լրատվական»– ը զրուցել է Կալիֆոռնիայի սենատի անդամ Էնթընի Պորտանտինոյի հետ:

Պարոն Պորտանտինո, գիտեմ, որ դուք Կալիֆոռնիայի` Հայաստան-Արցախ- առևտրային հանձնաժողովն եք գլխավորում:

Նաև մեր նախնական զրույցում նշեցիք, որ 2 անգամ արդեն հասցրել եք լինել Հայաստանում և Արցախում: Ինչպե՞ս ստացվեց, որ դուք սկսեցիք առհասարակ աշխատել հայերի հետ ու այդքան մեծ հայկական շրջապատ ձեռք ձևավորեցիք:

Պետք է նշեմ որ ես ինձ շատ բախտավոր մարդ եմ համարում այդ իմաստով` այսօր ես հպարտ եմ ներկայացնել Հայ-Ամերիկյան ամենամեծ համայնքը Միացյալ Նահանգներում` թերևս ամենամեծ հայկական համայնքը առհասարակ Հայաստանի սահմաններից դուրս – խոսքը առնվազն 150,000 հայերի մասին է, ովքեր բնակվում են իմ շրջանում:

Երբ ես նոր էի դեռ սկսել ակտիվ քաղաքացիական ներգրավվածություն ցուցաբերել – հայկական համայնքը կարելի ասել որդեգրեց ինձ` ես ավելի մոտիկից հնարավորություն ունեցա ծանոթանալ հայկական խնդիրների հետ:

Ես մեծացել եմ Նյու Ջերսիում և հիշում եմ, թե ինչպես էր մայրս պարբերաբար անդրադառնում հայկական ցեղասպանությանը:

>Կարծում եմ դա նախագահ Վուդրոու Վիլսոնի Նյու Ջերսիից լինելու հանգամանքով էր նաև պայմանավորված` նաև մեր պատմության դասագրքերում այդ ժամանակ այդ տարածաշրջանին արվող անդրադարձով և հայ ընկերների առկայությամբ նաև Նյու Ջերսիում, որ մենք տեղեկացված էինք Հայկական ցեղասպանության մասին:

Կալիֆոռնիա գալուց հետո արդեն այդ ամենը նոր չէր, և տեղի հայ համայնքն էլ ինձ շատ ջերմ ընդունեց` ինքս ունենալով իտալական արմատներ` ինձ շատ լավ էի զգում հայերի շրջապատում, բոլորը շատ ջերմ էին և հյուրընկալ էսպիսով բավականին արագ մեծ ընկերական շրջապատ ձևավորվեց:

Կալիֆոռնիան համարվում է ամենամեծ բազմազանություն ունեցող նահանգը ԱՄՆ-ում: Այստեղ բնակվում են մեծ թվով Ամերիկյան հրեաներ, իտալացիներ, Մեքսիկացիներ և ինչպես արդեն նշեցիք` մեծ թվով հայեր: Խոսքը մասնավորապես Կալիֆոռնիայում բնակվող մոտ 1 միլիոն հայերի մասին է, այսինքն կարող ենք փաստել, որ աշխարհում ամենամեծ հայկական համայնքերից մեկը հենց այստեղ է:Դա ինչպես է անդրադառնում Կալիֆոռնիայի քաղաքական, տնտեսական և մշուկաթային կյանքի և գործընթացների վրա՝ հատկապես այլ նահանգների հետ համեմատականում:

Կարծում եմ որ դա որոշիչ է և շատ կարևոր: Այստեղ շատ են հայ փոքր ու մեծ գործարարները, ինչպես նաև բարձր տեխնոլոգիաների ոլորտում և սթարթ ափ-երով զբաղվող հայերը – բավականին մեծ ինտելեկտուալ կապիտալ կա կուտակված` ինչպես հայտնի է հայ համայնքը բարձր է գնահատում կրթությունը, մշակույթը ու դա օգնում սիմբիոտիկ, կոմպլիմենտար փոխհարաբերությունների հիմք է ստեղծում:

Այն մարդիկ ովքեր գալիս են այստեղ լինելով նույն արժեքների կրողը ինչ Կալիֆոռնիան է` բնականաբար արդեն իսկ դատապարտված են հաջողելու և մենք դա տեսնում ենք: Հայ համայնքը ինչպես արդեն նշեցի գնահատում է կրթությունը և սա հենց այն կետերից մեկն է որի շուրջ մեր աշխատանքը շատ արջինավետ և հեշտ է ստացվում:Պետք է նշեմ, որ հայ համայնքը մեծապես նպաստում է Կալիֆոռնիայի ընդհանուր հաջողությանը և կենսունակությանը:

  • Դիտումներ՝ *