Կոլորադոյի բնակիչը հսկայական հաշիվ է ստացել՝ տղաներով երեկույթից հետո խումարը բուժելու համար։ Պարզվել է, որ գլխացավից և խումարի այլ ախտանշաններից ազատվելու համար նա ստիպված է 12 հազար դոլար վճարել։
Հավաքույթից հետո Քեմերոն Ֆիշերը իրեն այնքան վատ է զգացել, որ իր հարսնացուն՝ Քեթլինը որոշել է չեղարկել նախահարսանեկան ընթրիքի փորձը և շտապօգնություն է կանչել։ Թեստերը սուր թունավորում են ցույց տվել և ջրազրկում։ Փեսացուին, որի հարսանիքը երկու օրից էր, կաթիլային են միացրել և վերականգնողական միջամտություններ են արել։
Հարսանիքին Քեմերոնը թարմ ու առույգ էր, սակայն նա կրկին վատացավ, երբ հիվանդանոցից ստացավ հաշիվը։ Ծախսերի ընդհանուր գումարը 12 հազար դոլար էր կազմում, որից 7644-ը նշված էր որպես «սպասարկման վարձ»։ Նրան նաև մի երկու թանկանոց անալիզ էին արել, որոնց մասին նա ոչինչ չգիտեր։
«Նրանք ինձ ասացին, որ համաձայնության ձևը ստորագրելով՝ ես ցանկացած թեստ անցկացնելու թույլտվություն եմ տվել»,– նշել է Քեմերոնը։ Քեմերոնի ապահովագրական ընկերությունը պատրաստ է վճարել միայն 2000 դոլարը, մնացածը տղան ստիպված է ինքը վճարել։