Չափից դուրս պարարտ շներ ավելի հաճախ լինում են այն մարդկանց մոտ, որոնք իրենք են տառապում ավելորդ քաշից: Այդ մասին է վկայում այն հետազոտությունը, որը կատարել են Կոպենհագենի համալսարանի գիտնականները: Հետազոտելով 268 շների՝ նրանք համոզվել են «Ինչպիսին տերն է, այնպիսին էլ շունն է» ասացվածքի իրավացիության հարցում՝ տեղեկացնում է TASS-ը:
«Ավելորդ քաշ կամ ճարպակալում ունեցող մարդկանց մոտ գեր շներ հանդիպում են կրկնակի ավելի հաճախ, քան նիհար կամ նորմալ քաշով մարդկանց մոտ»,- ասված է համալսարանի մամուլի տեղեկագրում: Հետազոտության ղեկավար Շառլոտ Բյոռնվադի խոսքով՝ նորմալ քաշով չորքոտանիների տերերը որպես կանոն շան անուշեղենն օգտագործում են իրենց սաների վարժեցման համար, իսկ ճարպակալմամբ տառապողներն իրենց չորքոտանիներին երես են տաիս հանուն սեփական հաճույքի: Դանիացի գիտնականները նաև պարզել են, որ ամորձատումը եռակի մեծացնում է կենդանիների քաշի զգալի ավելացման հավանականությունը:
