ԱՄՆ-ի Կոլորադո նահանգի Պուեբլո քաղաքում 21-ամյա Էնթոնի Մարտինը ինքնասպան է եղել՝ ընկերների հետ «ռուսական ռուլետկա» խաղալիս: Հուլիսի 10-ին Մարտինն իր ընկերների հետ ամբողջ գիշերն ուրախացել է և, ըստ քննիչների, ինքնասպան լինելու մտադրություն չի ունեցել: Երիտասարդները ուսումնասիրել են զենքը և խաղացել դրանով ամբողջ խնջույքի ընթացքում, իսկ լուսաբացին Էնթոնին որոշել է իր բախտը փորձել «ռուսական ռուլետկայով»,- հայտնում է BBC-ին:
Ոստիկանության սերժանտ Պուէբլո Էրիկ Բրավոն հայտնել է, որ ո՛չ զոհվածը, ո՛չ էլ նրա ընկերները, ամենայն հավանականությամբ, չեն իմացել, որ զենքը լիցքավորված է, երբ նա կրակելիս է եղել: Բրավոն նշել է, որ զենքը եղել է խնջույքի մասնակիցներից մեկի անունով, սակայն այս մահվան համար ոչ wq պատասխանատու չէ:
Քննությունը պարզել է, որ ինքնասպան եղածն ինքն է մեղավոր տեղի ունեցածում: Զենքով էքստրեմալ այս խաղը ստացել «ռուսական ռուլետկա» անվանումը, քանի որ, ըստ ավանդության, այն հորինել են սպաները ցարական Ռուսաստանում:
ԱՄՆ-ում այս էքստրեմալ զվարճանքը մեծ տարածում ունի: Այսպես՝ մեկ ամիս առաջ էլ մահացել էր Ինդիանա նահանգի Հարավային Բենդ քաղաքի բնակիչ Ռասել Լիթլը: Նա «ռուսական ռուլետկայով» պարտվել էր իր շանը: Սկզբում նա զենքը դրել է շան գլխին և երկու անգամ կրակել, սակայն փամփուշտ չի եղել, հետո նա զենքը դրել է իր գլխին, և հաջողությունը նրան չի ժպտացել:
