Ավստրալիայի գերագույն դատարանը վճռել է, որ քաղաքացիները փաստաթղթերում իրենց սեռը գրելիս կարող են նշել ոչ միայն «տղամարդ» կամ «կին», այլև «անորոշ»: Այսպիսով բավարարվեց ակտիվիստ Նորրիի հայցը, որը բողոքարկել էր Նոր Հարավային Ուելս նահանգի դատարանի նախորդ որոշումը:
«Գերագույն դատարանը վճռել է, որ մարդը կարող է լինել ոչ տղամարդ, ոչ էլ կին, այդ իսկ պատճառով մարդու սեռը թույլ կտան գրանցել որպես «անորոշ»,- ասվում է Ավստրալիայի դատարանի որոշման մեջ, որը ընդունվել է միաձայն:
Գերագույն դատարանը Կանաչ մայրցամաքի գերագույն դատական ատյանն է, ինչը նշանակում է, որ այդ թեմայով վեճերն արդեն դադարեցված են՝ գրում է «Ռոսիյսկայա գազետան»:
Անձամբ ակտիվիստը հայտարարել է, որ ինքը շատ ուրախ է դատարանի որոշման կապակցությամբ:
53-ամյա Նորին ծնվել է Շոտլանդիայում՝ որպես տղամարդ, սակայն 1989-ին կատարել էր սեռափոխություն՝ փորձելով դառնալ կին: Դրանից հետո, սակայն, նա խոստովանել է, որ վիրահատությունը չի կարողացել որոշել իր սեռական կողմնորոշման հարցը:
Դրանից հետո Նորին սկսել էր պայքարել «երրորդ սեռի» հռչակման համար: