Լուրեր
Վաչե Գաբրիելյանի տիկինը լինելը Ձեզ դեմ քվեարկելու պատճառ չէ. Սուրեն Գրիգորյան
  • 15:04
  • 2019-09-12
  • Դիտումներ՝ *

Այսօր՝ սեպտեմբերի 11-ին, Ազգային ժողովում շարունակվում են աշխատանքները: Այժմ քննարկվում է Կենտրոնական բանկի խորհրդի անդամի ընտրության հարցը: ԱԺ ֆինանսավարկային և բյուջետային հարցերի հանձնաժողովը ԿԲ խորհրդի անդամի պաշտոնում առաջարկել է Հասմիկ Ղահրամանյանի թեկնածությունը:

«Մեր հասարակությունը մշտապես տուժել է պետական ապարատում խնամի-ծանոթ-բարեկամ, քավոր-սանիկ հարաբերություններից»,- հայտարարեց «Իմ քայլը» խմբակցության պատգամավոր Սուրեն Գրիգորյանը:

Պատգամավորի խոսքով՝ Վաչե Գաբրիելյանի՝ թեկնածուի ամուսին լինելը բացասական որոշման պատճառ չպետք է լինի. «Շատ վատ է, որ նոր իշխանության հավանությամբ որևիցե մարմնում հայտնվում են մարդիկ, որոնց անաչառության վերաբերյալ կարող են կասկածներ լինել: Բայց ոչ պակաս վատ է, երբ որոշակի ծայրահեղացված մոտեցումների, որոշակի կարծրատիպերի պատճառով այդտեղ չհայտնվեն այն մարդիկ, ովքեր իրականում ազնիվ են և արժանի են այնտեղ հայտնվելու»:

Պատգամավորը հավելեց, որ իր մեջ որևէ կասկած չի առաջացել թեկնածուի պրոֆեսիոնալիզմի առումով:

 

Մանրամասները՝ տեսանյութում:

  • Դիտումներ՝ *