Լուրեր
Ի՞նչ եք կարծում՝ ցածր գնաճը տուգանո՞ւմ է տնտեսական աճը. Արման Բաբաջանյանը՝ Հասմիկ Ղահրամանյանին
  • 13:45
  • 2019-09-12
  • Դիտումներ՝ *

Այսօր՝ սեպտեմբերի 11-ին, Ազգային ժողովում շարունակվում են աշխատանքները: Այժմ քննարկվում է Կենտրոնական բանկի խորհրդի անդամի ընտրության հարցը: ԱԺ ֆինանսավարկային և բյուջետային հարցերի հանձնաժողովը ԿԲ խորհրդի անդամի պաշտոնում առաջարկել է Հասմիկ Ղահրամանյանի թեկնածությունը:

«Մեր խոշորագույն առևտրային բանկերից մեկը ուղղակի կապ ուներ վերջերս միջազգային սկանդալի կիզակետում հայտնված մեր հայրենակցի հետ, և ռիսկեր առաջացան Հայաստանում բանկային կայունության համար: Մենք պատերազմի մեջ գտնվող երկիր ենք, և այսպիսի ինֆորմացիաները կարող են հրահրվել նաև մեր թշնամիների կողմից»,- ասաց պատգամավոր Արման Բաբաջանյանը:

Պատգամավորը ԿԲ խորհրդի անդամի թեկնածուից նաև հետաքրքրվեց՝ ինֆորմացիոն այս հարձակումը առիթ դարձա՞վ, որ ԿԲ-ն անվտանգության բարձիկներ տեղադրի, որպեսզի Հայաստանը պակաս ազդեցության օբյեկտ դառնա նման թիրախավորումների համար:

«Տեսակետ կա, որ ցածր գնաճը, որ մենք ունենք վերջին 1-2 տարում, տուգանում է տնտեսական աճը. ի՞նչ եք մտածում այդ մասին: Եվ ի՞նչ եք կարծում՝ կառավարության կողմից առաջիկա տարում շուրջ 500 մլն արժեքով եվրոբոնդերի մարումը վերաթողարկում անելու միջոցով իրականացման դեպքում բացասաբա՞ր կազդի մեր երկրի սուվերեն վարկանիշի վրա, և արդյոք հաջորդ վերաթողարկումը ավելի բարդ, այսինքն՝ ավելի բարձր տոկոսով չի՞ լինի մեզ համար»,- հարցրեց Արման Բաբաջանյանը:

Պատգամավորի հաջորդ հարցն առնչվում էր «Բազել»-ին. «Աշխարհում արդեն «Բազել-5»-ի մասին են խոսում, իսկ մենք կարծես չենք ավարտել «Բազել-3-ը»:

 

Մանրամասները՝ տեսանյութում:

  • Դիտումներ՝ *