Բրիտանուհի Դորսեթ Գրեյս Մաքգոունը 5 տարի առաջ տեղի է ունեցել ավտովթարի հետևանքով ողնաշարի լուրջ վնասվածքներ է ստացել: Աղջիկը կաթվածահար է եղել և տեղաշարժվում է անվասայլակով: Դա, սակայն, չի խանգարել նրան գտնելու իր սիրուն: Հոսպիտալից դուրս գալուց հետո Գրեյսը ստիպված էր որոնել հարմար մեկ հարկանի տուն, որտեղ նա ստիպված չէր լինի օգտագործել սանդուղքներ: Նման տներ վաճառող կնոջ որդուն՝ Նիկ Կապալդիին, դուր է եկել Գրեյսը: Նրանք մտերմացել են։
Երբ Նիկ Կապալդին Գրեյսին առաջարկություն է արել, նա վճռականորեն որոշել է, որ ինքը բառացիորեն «գնալու է պսակադրության» իր ոտքերով, անկախ նրանից, թե ինչ կարժենա դա իրեն՝ գրում է Metro-ն:
Հարսանիքից չորս ամիս առաջ աղջիկը վարձել է բիոնիկ էկզոկլետեոն, որը կցվում է ոտքերին և օգնում է նրանց տեղաշարժվել: Համակարգը սնուցվում է մարտկոցով, որը գտնվում է մեջքի պայուսակում: Եվ վերահսկումն իրականացվում է հեռակառավարման միջոցով, որը ամրացվում է է դաստակին և ճանաչում է օգտագործողի շարժումները:
Այդ ամբողջ ընթացքում Գրեյսին օգնել են նրա եղբայրը և փեսացուն։ Գրեյսը սովորել է ուղիղ կանգնել և քայլել։
Հարսանիքին հրավիրված հյուրերը չգիտեին նրա նախապատրաստության մասին: Գրեյսի հայտնվելը ահավոր անակնկալ էր նրանց համար: Շատերը չեն կարողացել զսպել արցունքները:
Հարսնացուի մայրը ՝ Հելենը, ասում է, որ չէր հավատում, որ դուստրը կարող է անել դա: «Նրա համար իրոք շատ դժվար է եղել, բայց եղբոր օգնությամբ դա հնարավոր դարձավ: Ես այնքան հպարտ եմ իմ երեխաների համար», – ասել է նա: