Իսպանիայի Սենատի (խորհրդարանի վերին պալատի) նախագահ Մանուել Կրուսը կարող Էր դիմել գրագողության իր փիլիսոփայության ձեռնարկը կազմելիս: Սեպտեմբերի 10-ին այդ մասին հայտնել Է ABC թերթը:
Թերթի տեղեկատվությամբ, խոսքը վերաբերում Է «Արդի փիլիոսոփայություն» դասագրքին, որը հրատարակվել Է 2002 թվականին եւ վերահրատարակվել 2010 թվականին: Սենատի ղեկավարին, որը նաեւ համալսարանի դասախոս Է, կասկածել են այն բանում, որ նա ձեռնարկում օգտագործել Է առնվազն ինը հեղինակների ամբողջ պարագրաֆներ՝ չվկայակոչելով նրանց եւ չչակերտելով նրանց խոսքերը:
Ինչպես գրել Է հրատարակությունը, ընդամենը ձեռնարկում հայտնաբերվել Է գրագողության առնվազն 15 դեպք: Այսպես, Կրուսը կարող Էր իր դասագրքում օգտագործել իտալացի փիլիսոփաներ Նիկոլա Աբանյանոյի (1901 – 1990) եւ Ջաննի Վատտիմոյի, ինչպես նաեւ այլ մտածողների գործեր:
Իսպանիայի Սենատի նախագահն ինքն առայժմ չի մեկնաբանել այս տեղեկատվությունը: 68-ամյա Մանուել Կրուսը խորհրդարանի վերին պալատի ղեկավարի պաշտոնն զբաղեցրել Է ընթացիկ տարվա մայիսին, հաղորդել Է ՏԱՍՍ-ը:
