Ֆրանսիայում 21-ամյա ուսանող Էթյեն Մարին, որը մեկ շաբաթ առաջ անհետ կորել է, կարող է հրկիզված լինել աղբի հետ միասին, գրում է La Depeche-ն։
Նշվում է, որ միջադեպը տեղի է ունեցել Թուլուզում։ Ենթադրվում է, որ հարբած լինելով՝ Մարին կարող էր ընկնել աղբի կոնտեյներում։ Տվյալ պահին նրան որոնում են աղբն այրող գործարանում։
Պարբերականի տվյալներով՝ իրավապահների մոտ տեսագրություն գոյություն ունի, որում երևում է՝ ինչպես է ուսանողը նախ քնում մայթին, ապա բարձրանում աղբի տարայի վրա։ Տվյալներ այն մասին, որ նա այնտեղից դուրս է եկել, դեռ չկան։
