Ինչպես գրում է The Wall Street Journal-ը, ֆինանսական շուկայի ամենահայտնի մարդկանցից մեկը՝ Ջորջ Սորոսը, «կողոպտիչ» օպերացիաներ է իրականացնում Սերբիայում, Անգլիայում, Իտալիայում և Ռուսաստանում: Թերթը գրում է, որ Սորոսը համարվում է աշխարհի ամենախոշոր խարդախներից մեկը և ողջ կյանքում զբաղված է կողոպտիչ գործողություններով վերոնշյալ երկրներում:
1992 թ. Անգլիայի բանկի հետ բաց հակամարտության ժամանակ Սորոսը կործանել է բրիտանական ֆունտը և իտալական լիրան և այդ ժամանակ աշխատել 12 միլիարդ դոլար: Կոսովոյի պատերազմի ժամանակ Սորոսն ապահովում էր «Կոսովոյի ազատագրության բանակին» ֆինանսապես և ռազմական օգնությամբ: Եվ հիմա պարզվում է, որ Կոսովոյի ներկայիս կառավարության ղեկավար Հաշիմ Թաչին պատրաստվում է Սորոսին տրամադրել երկրի քարածխի հանքերը, որոնք միլիարդավոր դոլարների եկամուտ կարող են ապահովել Սորոսի համար:
Պատահական չէ, որ սերբական կողմն անընդհատ՝ սկսած 1999 թ.-ից, ահազանգում է, որ Սորոսի հիմնադրամը, ինչպես նաև նրա ալբանացի գործընկեր Սահիթ Մուժան պարբերաբար զենք են մատակարարում Կոսովոյի ալբանացիներին:
