ԱԺ ԲՀԿ-ական պատգամավոր, ԱԺ Տնտեսական հարցերի մշտական հանձնաժողովի նախագահի տեղակալ Վարդան Բոստանջյանը մեզ հետ զրույցում նշեց, որ ինքը գտնում է, որ երկխոսելու համար ՀԱԿ-ը նորմալ կազմ է ձևավորել:
Մեր այն դիտարկմանը, թե իշխանության կողմից բազմիցս նշվում էր, որ իրենք պատվիրակություն ձևավորելու անհրաժեշտություն չեն տեսնում, հետևաբար՝ իշխանության կողմից պատվիրակություն ձևավորելուց հետո կարելի՞ է համարել, որ սա պայմանավորված էր արտաքին գործոններով՝ պատասխանեց. «Առանց այս աշխատանքային խմբերի, երկրի առջև ծանրացած խնդիրների շուրջ երկխոսությունը չէր կայանա: Իսկ քանի որ այս ամենի նպատակը երկիրն էր, աշխատանքային խումբը ձևավորվեց: Սակայն չեմ կարծում, որ այն շաղկապված էր արտաքին գործոններով, մասնավորապես՝ ԼՂ հիմնախնդրով»:
