Լուրեր
Դատական համակարգը ալեկոծվում է․ եկեք մաքրվենք և սկսենք աշխատել․ ԲԴԽ նախագահ

«Բավականին ծավալուն փաստաթուղթ է ներկայացվել, շատ լավ հայեցակարգ է, եթե կառավարությունը հետևողական լինի, և դա իրականություն դառնա, մենք առնվազն 2023թ. կունենանք հրաշալի դատական համակարգ»,- այս մասին «Առաջին լրատվական»-ի հետ զրույցում ասաց Բարձրագույն դատական խորհրդի նախագահ Ռուբեն Վարդազարյանը՝ անդրադառնալով դիտարկմանը, որ այսօր իրավական ակտերի, նախագծերի հրապարակման միասնական կայքում ներկայացվել է Հայաստանի Հանարապետության դատական և իրավական բարեփոխումների 2019-2023թթ. ռազմավարությունը և դրանից բխող գործողությունների ծրագրերը հաստատելու մասին կառավարության որոշման նախագիծը: ԲԴԽ նախագահը նաև հավելեց, որ հարցը կքննարկվի ԲԴԽ խորհրդում և միասնական կարծիքի, դիրքորոշման մասին գրավոր կհրապարակեն:

«Ցանկացած պետությունում և՛ օրենսդիրը, և՛ գործադիրը փորձում են դատական իշխանությունը քաշել իրենց կողմ, և դատական իշխանությունը միշտ փորձում է պայքարել, բայց ես դա չէի դիտարկի որպես ճնշում դատական համակարգի վրա»,-նշեց Ռուբեն Վարդազարյանը: Նա նաև հավելեց, որ նախատեսվում է ոչ միայն ՍԴ, այլ նաև ՀՀ-ում աշխատող բոլոր դատավորներին թույլ տալ, որ ժամանակից շուտ անցնեն թոշակի: Ռ. Վարդազարյանը հավելեց, որ եթե մարդը կարծում է, որ նոր իրողության մեջ չի կարող աշխատել, չպետք է նրա տարիների վաստակը ջուրը նետել և հեռացնել վեթինգի արդյունքում կամ բարեվարքության ոչ համապատասխան լինելու համար, այլ պետք է դատավորին հնարավություն տալ հեռանալ և թոշակ ստանալ:

Անդրադառնալով դիտարկմանը, որ ՍԴ դատավորներին առջարկվում է աշխատանքից դուրս գալ, բայց վարձատրվել, ԲԴԽ նախագահը նշեց, որ Սահմանադրական դատարանում ճգնաժամ է, և այդ քայլը սահմանադրական ճգնաժամից դուրս գալու լավագույն ելքը չէ, բայց ելքերից մեկն է:

Մանրամասն՝ տեսանյութում:

  • Դիտումներ՝ *