Ադրբեջանական Salam News գործակալության փոխանցմամբ՝ Ռուսաստանի արտգործնախարար Սերգեյ Լավրովը, նախօրոք ձեռք բերված պայմանավորվածության համաձայն, այսօր ընդունել է ԵԱՀԿ Մինսկի խմբի համանախագահներ Բեռնար Ֆասիեին (Ֆրանսիա), Ռոբերտ Բրադտկեին (ԱՄՆ) և Իգոր Պոպովին (Ռուսաստան), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրշիկին (Լեհաստան)։
Այս մասին հայտնել է Ռուսաստանի ԱԳՆ-ը։ Խորհրդատվության ընթացքում քննարկվել են ԵԱՀԿ Մինսկի խմբի համանախագահների հետագա գործողությունների կոորդինացման աշխատանքները՝ հաշվի առնելով հունիսի 24-ին Կազանում կայացած Հայաստանի, Ադրբեջանի և Ռուսաստանի նախագահների եռակողմ հանդիպման արդյունքները։
Քննարկվել են նաև բանակցային գործընթացում միջնորդ երկրների՝ Ռուսաստանի, ԱՄՆ-ի ու Ֆրանսիայի հետագա գործադրելիք ջանքերը։
