Սերիական մարդասպան Գարի Ռեյ Բոուլզը, որի զոհերը տարեց համասեռամոլներն են եղել, մահապատժի է ենթարկվել օգոստոսի 22-ին ԱՄՆ Ֆլորիդա նահանգի բանտում: Այդ մասին հայտնում է AP News-ը՝ հղում անելով Ռոն Դեսանտիսի գրասենյակին:
Տղամարդուն կյանքից զրկել են մահացու ներարկումով:
Մահապատժից առաջ սերիական մարդասպանը ոչինչ չի ասել, բայց ավելի վաղ գրված հայտարարության մեջ նա ասել է, որ շատ է ափսոսում իր արարքների համար: «Ես ներողություն եմ խնդրում այն ցավերի և տառապանքների համար, որոնք ես պատճառել եմ: Հուսով եմ, որ իմ մահը կթեթևացնի ձեր ցավը»,- գրել է Բոուլզը: Քննիչները նշում են, որ եթե նա չբռնվեր, կշարունակեր սպանել, քանի որ հավանաբար հաճույք է ստացել այս գործընթացից:
Բոուլզը վեց մարդու կյանք է խլել։
