ԱՄՆ նախկին նախագահ Ռոնալդ Ռեյգանին ԶԼՄ-ները ռասիզմի մեջ են մեղադրել, քանի որ նա ՄԱԿ-ում Աֆրիկայի երկրների ներկայացուցիչներին «կապիկներ» է անվանել։ Արխիվային տեսանյութը հրապարակել է The Atlantic-ը։
Առկա տեղեկատվության համաձայն՝ ժամանակին Կալիֆոռնիայի նահանգապետ Ռեյգանի և ԱՄՆ նախագահ Ռիչարդ Նիքսոնի միջև զրույցը տեղի է ունեցել 1971-ին։ Ռեյգանն այդպիսի մեկնաբանությամբ է հանդես եկել, քանի որ դժգոհել է փաստից, որ աֆրիկյան երկրները չեն աջակցել ԱՄՆ-ի դիրքորոշումը։
«Տեսնել այդ․․․ աֆրիկյան երկրների կապիկներին։ Գրողի ծոցը նրանց, նրանց համար դեռևս անհարմար է կոշիկ կրել»,-հայտարարել է Ռեյգանը։
Նրա խոսքերին Նիքսոնը քրքիջով է արձագանքել։