Մի քանի օր առաջ Միշել Օբաման դուստրերի` 12-ամյա Սաշայի և 15-ամյա Մալիայի հետ Չինաստան է ժամանել` ծանոթանալու համար տեղի տեսարժան վայրերին: Այս մասին գրում է Spletnik.ru կայքը:
Կիրակի օրը Բարաք Օբամայի ընտանիքը ոչ միայն հիացել է Չինական մեծ պատով, այլև բարձրացել այն վայրը, որտեղից ամենագեղեցիկ բնապատկերն է բացվում:
«Այսօր մենք եղել ենք Մուտյանյույ գյուղում, որը Պեկինից մոտ մեկ ժամվա հեռավորության վրա է: Այնտեղ այցելել ենք Չինական մեծ պատի այն հատվածը, որտեղից շատ գեղեցիկ բնապատկեր է բացվում: Դրա ճանապարհին ևս բնապատկարներ կային`սարերի և անտառների տեսարաններ: Այնպես որ, մեկնումն էլ արկած էր, հետո մեր առջև հառնեց նա` Չինական մեծ պատը` մարդկության պատմության գերագույն հրաշքներից մեկը»,- իր բլոգում գրել է Միշել Օբաման:
