Մինչև 2030-ը աշխարհում 4․5 մլն մարդ կզոհվի հեպատիտ C-ի պատճառով, եթե անհրաժեշտ բուժումը չստանա, փոխանցում է «ՌԻԱ Նովոստի»-ն։
Այսպիսի հայտարարությամբ հանդես է եկել Առողջապահության համաշխարհային կազմակերպության՝ հեպատիտի հետազոտության բաժնի ղեկավար Մարկ Բալթրեյսը։
Նա հստակեցրել է, որ տվյալ պահին առնվազն 257 մլն մարդ վարակված է հեպատիտ B-ով, 71 մլն-ն ապրում է C-ի քրոնիկական ինֆեկցիայով։
ԱՀԿ-ում հավելել են, որ չնայած բուժման ծրագրերին՝ աշխարհում հեպատիտով վարակվածների քանակն անհրաժեշտ արագությամբ չի նվազում։
