Քանդակագործ Օգյուստ Ռոդենի աշխատանքներից մեկը վաճառվել է Փարիզում Arnaud Cornette de Saint Cyr աճուրդների տանը 724 հազար եվրոյով: Քանդակը կոչվում է «Ֆաունուս կինը ծնկների վրա»: 55 սմ բարձրություն ունեցող քանդակը կատարվել է 1890 թ.: Ռոդենն այն նվիրել է ընկերոջը` նկարիչ Պիեր Պյուվի դե Շավանին:
Աճուրդների տան մասնագետները նշում են, որ սա ունիկալ քանդակ է, քանի որ քիչ են հանդիպում նման մանրակրկիտ և որակով արված աշխատանքներ: Ռոդենի գործերի մասնագետ Ժերոմ Լե Բլեյն ասել է, որ սա վերջին 15 տարիների ընթացքում վաճառված ամենալավ մարմարե արձանիկներից մեկն է: Կանխատեսվում էր, որ արձանիկը կվաճառվի 600-800 հազար եվրոյի սահմանագծում:
