Հնդկական Ահմադաբադ քաղաքում գործարարը ռեստորան է բացել հնագույն գերեզմանատանը՝ գրում է The Daily Mail-ը:
Պարբերականի տվյալներով՝ հնդիկը որոշել է պահպանել դագաղներն ու դրանք տեղավորել սեղանների արանքում:
Նշվում է, որ հին մուսուլմանական գերեզմանոցում գտնվող հաստատությունը սկսել է մեծ ժողովրդականություն վայելել:
«Մեր բիզնեսը ծաղկում է շնորհիվ այս շիրիմների: Դա մարդկանց տալիս է եզակի փորձ»,- ասել է ռեստորանի սեփականատեր Քրիշնան Կուտին:
Հաղորդվում է, որ ռեստորանում գտնվում են մոտ 10 դագաղներ: Ամեն օր դրանք մաքրվում են փոշուց ու զարդարվում թարմ ծաղիկներով:
Գերեզմանոցը կառուցվել է 16-րդ դարում: Այնտեղ հուղարկավորած են սուֆի սրբի հետևորդները:
