Մարտի 23-ին լրանում է OК բառի 175-ամյակը: Ըստ Global Language Monitor ասոցիացիայի՝ OК-ը Մոլորակի ամենատարածված ու ամենաշատ օգտագործվող բառն է, հայտնում է rus.ruvr.ru-ն:
Այն առաջին գամ հայտնվել է 1839-ի մարտի 23-ին՝ The Boston Morning Post թերթում, որն այն ժամանակ ԱՄՆ-ում ամենահայտնի պարբերականներից է եղել:
Կան այս բառի ծագման շատ վարկածներ: Դրանցից մեկի համաձայն՝ այն առաջացել է, երբ XIX դարի 30-ական թթ. բոստոնյան թերթի լրագրողները, նորաձևության մասին խոսելիս, oll korreсt-ը («ամեն ինչ ճիշտ է») կրճատելու համար ստեղծել են ОК-ը:
Ըստ մեկ այլ տարածված վարկածի՝ ԱՄՆ 7-րդ նախագահ Էնդրյու Ջեքսոնն այնքան անգրագետ է եղել, որ պետական հրամանների վրա դրել է oll korreсt՝ all correct-ի փոխարեն:
Ոմանց կարծիքով՝ OК-ը հունական ola kala-ից է ծագում կամ ֆրանսիական auх Cayes-ից, շոտլանդական och aye-ից: Կարծիք կա, որ այդ բառը գալիս է ռուսերեն «շատ լավ»-ից. անգլերենում «խ» տառ չկա, և կրճատվելով՝ այն դարձել է «կ»:
Կա նաև տարբերակ, որ OК-ն առաջացել է պատերազմի ժամանակ: Եթե օրվա ընթացքում ոչ մի զոհ չի եղել, հաշվետվության մեջ գրել են՝ 0 killed («0 սպանված»), կարճ՝ ОК:
