Թայվանի վարչակազմի ղեկավար Ինցզյուն ցուցարարներին կոչ է արել ազատել խորհրդարանի շենքը, որը 6-րդ օրն է, ինչ արգելափակել են: Նա միաժամանակ մերժել է ցուցարարների պահանջները՝ հրաժարվել ծառայությունների առևտրի վերաբերյալ ցամաքային Չինաստանի հետ համաձայնության վավերացումից, հայտնում է rus.ruvr.ru-ն:
Համաձայնությունը ստորագրվել է անցած տարվա հունիսին Շանհայում, բայց մինչ օրս Թայվանի կառավարությունն այն չի վավերացրել: Ընդդիմությունը համաձայն չէ դրա որոշ կետերին, որոնք, ըստ նրա, կարող են հանգեցնել Չինաստանից տնտեսական կախման զգալի մեծացման:
Անցած երեքշաբթի հարյուրավոր ուսանողներ ներխուժել են խորհրդարանի շենք ու խափանել օրենսդիր մարմնի աշխատանքը: Իշխանությունների կարծիքով՝ առայժմ ցուցարարներին ուժով ցրելու հարց չկա:
