Spice Girls խմբի անդամներից յուրաքանչուրը կարող է հինգ միլիոն դոլար վաստակել Լաս Վեգասում ելույթներից՝ Մեծ Բրիտանիայի հաջողված շրջագայություններից հետո, հաղորդում է Mirror-ը:
Խումբը բանակցություններ է վարում Լաս Վեգասում համերգների համար 2021-ի ամռանը:
Խմբին մոտ աղբյուրը հայտնել է, որ «բոլոր աղջիկները համաձայնել են վեց շաբաթ տրամադրել ամառային ելույթներին, քանի դեռ երեխաները արձակուրդում են»: Խմբի չորս մասնակիցներն ունեն 7 երեխա, որոնցից 5-ը դպրոցական տարիքի են:
Mel B-ն նաև ակնարկել է, որ խմբի անդամները կարող են հաջորդ տարի հանդես գալ Glastonbury հոբելյանական փառատոնում: Հարցին, թե արդյոք նրանք կշարունակեն շրջագայությունը, նա պատասխանել է. «Այո, մենք ուզում ենք շարունակել, և ինձ համար կարևոր չէ, թե ինչ կասեն մեր մասին»:
Հունիսի սկզբին խումբը վերամիավորվել է Մեծ Բրիտանիայում շրջագայության համար:
