Բրիտանացի և ավստրալացի գիտնականների խումբը հայտարարել է, որ դիաբետ ունեցող կանայք կարող են վաղաժամ մահանալ սրտային անբավարարվածության պատճառով: Այս մասին հաղորդում է MedicalXpress-ը:
Մասնագետները պարզել են, որ 1-ին տիպի դիաբետը շատ վտանգավոր է կանանց համար, քանի որ զգալիորեն մեծանում է սրտի հետ կապված խնդիրների հավանականությունը: 1-ին տիպի դիաբետը կանանց մոտ 5,15 անգամ կապված է սրտային անբավարարվածության ռիսկի հետ, իսկ տղամարդկանց մոտ՝ 3,47 անգամ, այսինքն՝ սրտային անբավարարվածության հավանականությունը կանանց մոտ 47% մեծ է, քան տղամարդկանց:
Գիտնականների կարծիքով՝ առաջին տիպի դիաբետ ունեցող կանայք կարող են վաղաժամ մահանալ սրտային անբավարարվածությունից: Դա կարող է տեղի ունենալ այն պատճառով, որ նրանց մոտ մեծանում է սրտի իշեմիկ հիվանդության հավանականությունը:
