Բենիամին Նեթանյահուն Իսրայելի վարչապետի պաշտոնում աշխատելու ժամկետի ռեկորդ է սահմանել: Նա գերեզանցել է կառավարության առաջին ղեկավար և հրեական պետության հիմնադիր Դավիդ Բեն-Գուրիոնին: Այս մասին հաղորդում է The Times of Israel-ը:
69-ամյա Նեթանյահուն Իսրայելի անփոփոխ վարչապետն է 2009թ. մարտի 31-ից: Մինչ այդ նա ղեկավարել է երկրի կառավարությունը 1996-1999 թթ.:
Հուլիսի 20-ի դրությամբ նա զբաղեցնում է հրեական պետության վարչապետի պաշտոնը 4876 օր կամ ավելի քան 13 տարի, ինչը նոր ռեկորդ է:
Հիշեցնենք, որ սեպտեմբերի 17-ին Իսրայելում տեղի կունենան հաջորդ խորհրդարանական ընտրությունները: Դրանք պատմության մեջ առաջին կրկնակի ընտրություններն են: Դա պայմանավորված է նրանով, որ Նեթանյահուն չկարողացավ ձևավորել կայուն կոալիցիոն կառավարություն նախորդ ընտրությունների արդյունքներով:
