Վրաստանի նախկին նախագահը մտադիր չէ վերադառնալ հարցաքննվելու համար՝ գրում է Interfax-ը:
«Ես իմ ընկերների հետ Ուկրաինային աջակցելու համար արշավ եմ սկսել: Ես, որպես ազատ մարդ, մտադիր եմ շարունակել ամբողջ տարածաշրջանը ազատագրելու պայքարը, և ոչ ոք չի կարող սահմանափակել ազատ տեղաշարժվելու իմ իրավունքները»,- լրագրողներին Հոլանդիայում հայտնել է Սաակաշվիլին:
Նրա խոսքերով՝ վրացական իշխանությունները կատարում են նրա կամավոր հանձնման Մոսկվայի հրամանը: Դրա հետ կապված Սաակաշվիլին խոստացել է Վրաստան վերադառնալ, որպեսզի այն ազատագրի Մոսկվայի «հրամաններից»:
«Այդ ժամանակը ավելի շուտ կգա, քան այդ մասին մտածում է Իվանիշվիլին՝ ռուս օլիգարխը, ում 2012թ. Մոսկվայում 2 միլիարդ դոլար են տվել հրամանը կատարելու համար: Բոլորն էլ շատ լավ գիտեն, որ Վրաստանում վերջնական որոշումները Իվանիշվիլին է կայացնում: Այդ որոշումները կայացնում է նա, ում 2 միլիարդ դոլար են տվել»,- ավելացրել է նախկին նախագահը:
«Ես կշարունակեմ պայքարը, և ինձ ոչինչ չի կանգնեցնի՝ միայն ֆիզիկական հաշվեհարդարը»,- հավելել է նա: Այս մասին է գրում gazeta.ru-ն:
