Ուկրաինայի անվտանգության ծառայությունը Դոնեցկում (երկրի արևելքում) ձերբակալել է, այսպես կոչված, «Դոնբասի ժողովրդական աշխարհազորայինների»» առաջնորդ Միխաիլ Չումաչենկոյին՝ տարածքային ամբողջականության և երկրի անձեռնմխելիության դեմ ոտնձգությունների կասկածանքով: Նրան նաև վերագրվում են գործողություններ՝ ուղղված բռնի փոփոխություններին, սահմանադրական կարգի տապալմանը, ինչպես նաև պետական իշխանության զավթմանը:
«Ձերբակալվածի մոտից առգրավվել են նյութեր, որոնք վկայում են Դոնեցկում այսօր անցկացված զանգվածային միջոցառման ժամանակ մասնակիցներին անօրինական գործողությունների կոչ անելու մտադրությունների մասին»,- ասվում է Ուկրաինայի Անվտանգության խորհրդի մամլո ծառայության հաղորդագրության մեջ:
