Կալիֆոռնիայի բնակիչ Էնդրյու Նավարեթը գտել է իր շանը, որին կորցրել էր դեռևս 2004 թ.-ին: Այս մասին հաղորդում է NBC հեռուստաալիքը: Միմի անունով շունը կորել էր Արկանզաս նահանգի Ռոջերս քաղաքում, սակայն նրա որոնման աշխատանքները ոչ մի օգուտ չտվեցին, նույնիսկ այն դեպքում, երբ շան մաշկի տակ կարված էր փոքր չիպ՝ տիրոջ տվյալներով:
Պարզվել է, որ շանը փողոցում գտել էր մի կին, որը նրան նոր անուն էր տվել՝ Գիզմո և խնամել 7 տարի շարունակ: 2011 թ. ամռանը հիմա էլ Գիզմոն կորավ և հայտնվեց անտուն շների կացարանում: Այստեղ կացարանի աշխատողները նրա մաշկի տակ ամրացված չիպի վրա կարդացել են նախորդ տիրոջ անունը և հայտնել են նրան այդ մասին:
Հիմա Միմին կարող է տեղափոխվել իր ամենաառաջին տիրոջ մոտ, որն այս տարիներին Արկանզասից տեղափոխվել է Կալիֆոռնիա: Միմիի երկրորդ տերը շատ տխրել է այն լուրից, երբ իմացել է, որ իր Գիզմոն իրականում այլ տերեր է ունեցել և հիմա ստիպված է լքել իրեն: