Վարչապետ Նիլոլ Փաշինյանը «Ազատություն» ռադիոկայանին տված հարցազրույցում, խոսելով Սահմանադրական դատարանի ճգնաժամի մասին, տվել է քաղաքական գնահատկան և հայտարարել օրենսդրական մանիպուլյացիաների մասին, որոնց հեղինակներն, ըստ վարչապետի, Սերժ Սարգսյանը, Հրայր Թովմասյանը, Գագիկ Հարությունյանը և ՀՀԿ-ական մեծամասնությունն են՝ ի հեճուկս նախատեսված տրամաբանությամբ: Վարչապետը նշում է, որ Հրայր Թովմասյանի նման մեկը պետք է որոշի ապագան. «Մարդ, որը մի բուդկայի նման սեփականաշնորհել է Հայաստանի Սահմանադրական դատարանը»: Վարչապետի հարցազրույցի մասնավորապես իրավական շեշտադրումների շուրջ «Առաջին լրատվական»-ը զրուցեց ՄԻԵԴ-ում ՀՀ կառավարության լիազոր ներկայացուցիչ, վարչապետի խորհրդական Եղիշե Կիրակոսյանի հետ:
Ե.Կիրակոսյանի գնահատմամբ՝ վարչապետի հարցազրույցում հնչած շեշտադրումներն ամբողջական էին. «Իրականում խնդիրը հենց Սահմանդրության նախագծման մեջ է, կարևոր է, թե ինչ նպատակով է արվել այդ նախագծումը և հոդվածների ձևակերպումները, որոնք չարաշահումների հնարավորություն են տվել: Լուծումների մասին խոսելիս պետք է մեր մտքին ունենանք սահմանադրական կարգավորումները և միջազգային իրավական չափանիշները: Այն հանգամանքը, որ իրավական կազուս կա, մանիպուլյացիաներ կան և իրավաքաղաքական խնդիրներ կան, դա ակնհայտ է, և դա խորքային խնդիր է:
Հեղափոխությունից հետո գործադիր և օրենսդիր մարմինները փոփոխվել են, փոփոխություններից անմասն է միայն դատական համակարգը… Հայաստանում դատարանների և արդարադատության համակարգի նկատմամբ կա վստահության ցածր մակարդակ: Կառավարությունը փորձում է այս համակրգի հետ կապված խնդիրները հանգուցալուծել սահմանադրական կարգավորումների շրջանակներում, բայց երբեմն հայտնվում է փակուղային վիճակում:
Անդրադառնալով դիտարկմանը, որ ՍԴ-ն կասեցրել է Ռ. Քոչարյանի և դատավոր Գրիգորյանի դիմումների գործով վարույթները և դիմել Վենետիկի հանձնաժողովին և ՄԻԵԴ-ին՝ խորհրդատվական կարծիք ստանալու նպատակով, Ե. Կիրակոսյանը նշեց, որ Քոչարյանի հարցով ՄԻԵԴ-ին դիմելն իրավաչափ չէ:
Մանրամասն՝ տեսանյութում:
