Գերմանական Էսսենում ներկայացված ցուցադրությունը հայտնի կուտուրիեի մասին է: Այս աստղային գերմանացի մոդելյերը թե՛ լուսանկարիչ է, թե՛ գեղանկարիչ, թե՛ գրաֆիկայի մասնագետ է, սիրում է ձևավորել գրքերի հրատարակություններ և զբաղվել ինտերիերի դիզայնով:
Լագերֆելդն անձամբ է մասնակցել «Կառլ Լագերֆելդ. Զուգահեռ համադրություններ՝ լուսանկարներ, գրքերի գեղարվեստական ձևավորում ու նորաձևություն» ցուցադրության հայեցակարգի մշակմանը:
Ինչպես հայտնում է Deutsche Welle-ն, Folkwang թանգարանում ներկայացված են 400-ից ավելի ցուցանմուշներ՝ հագուստի մոդելներ, աքսեսուարներ, նկարներ, լուսանկարներ, տեսահոլովակներ, ազդագրեր, գրքերի բարձրորակ ձևավորումներ:
