Բրազիլիայում, Իտագաի քաղաքում, գործարան են հայտնաբերել, որը զբաղվում էր կեղծ Ferrari և Lamborghini ավտոմեքենաների արտադրությամբ:
Ձեռնարկությունում խուզարկության ժամանակ իրավապահները ութ պատրաստի ավտոմեքենա են հայտնաբերել, գրում է «ND +»-ը:
Ավտոմեքենաներից բացի, հայտնաբերվել են նաև պահեստամասեր: Կեղծ սպորտային ավտոմեքենաները իրացվել են երկրում՝ բնօրինակի արժեքից ութ տոկոսով էժան:
Ավտոմեքենաները պատվիրել են սոցցանցերի միջոցով: Ձեռնարկության սեփականատերերը՝ հայր և որդի, ներկայումս ազատ են արձակվել երկրից չբացակայելու ստորագրությամբ: Ինչ վերաբերում է գործարանին, այն փակվել է ոստիկանության կողմից:
Բոլոր հայտնաբերված ավտոմեքենաները բռնագրավվել են: Դրանց նվազագույն արժեքը սկսվել է 180 հազար դոլարից:
Ենթադրվում է, որ նման բիզնեսի համար բրազիլացի գործարարներին մեծ տուգանք է սպասվում: