Թուրքիա ժամանեց ռուսական S-400 զենիթային հրթիռային համակարգի տարրերով հինգերորդ ինքնաթիռը: Դա տեղի է ունեցել կիրակի՝ հուլիսի 14-ին, հաղորդում է Anadolu գործակալությունը, վկայակոչելով երկրի պաշտպանության նախարարությանը:
Նախարարությունը նշել է, որ օրվա ընթացքում սպասվում է ևս երկու ինքնաթիռ:
«C-400-ի տարրերի մատակարարումը Թուրքիա շարունակվում է, և հինգերորդ ինքնաթիռը վայրէջք է կատարել «Մյուրթեդ» օդանավակայանում», – հայտարարել է Թուրքիայի պաշտպանության նախարարությունը:
Հիշեցնենք, որ ուրբաթ օրը Թուրքիայի պաշտպանության նախարարությունը հայտարարել էր երկրում C-400-ի մատակարարման մեկնարկը: Հետագայում տեղեկատվությունը հաստատեց ՌԴ ռազմատեխնիկական համագործակցության դաշնային ծառայությունը:
Միացյալ Նահանգները դեմ են Թուրքիայի՝ ռուսական համակարգերի ձեռքբերմանը: Ըստ երկրի իշխանությունների, դրանք սպառնում են ԱՄՆ անվտանգությանը: Վաշինգտոնը պահանջեց, որ Անկարան հրաժարվի Մոսկվայի հետ գործարքից և ստանա Patriot համալիրներ: Այսօր հայտնի դարձավ, որ ԱՄՆ-ը պատժամիջոցներ է նախապատրաստել Թուրքիայի դեմ C-400-ի համար: