ԵՄ ընդլայնման և հարևանության քաղաքականության հարցերով գերագույն հանձնակատար Շտեֆան Ֆյուլեն վստահ է, որ Ուկրաինայի հետ Ասոցացման մասին համաձայնագրի քաղաքական մասի ստորագրումը «համատեղ երկար ճամփորդության» միայն սկիզբն է: Ինչպես հաղորդում է korresondent.net-ը, եվրահանձնակատարն այսպես է մեկնաբանել է ստորագրության փաստը, որը կայացել է այսօր Բրյուսելում:
«Ուկրաինայի հետ Ասոցացման մասին համաձայնագիրը ստորագրված է. ԵՄ-ի աջակցության ուժեղ ազդանշան՝ ուղղված Ուկրաինայի ազատ և ինքնիշխան որոշումներին»,-գրել է Ֆյուլեն Twitter-ի իր միկրոբլոգում:
Ավելի վաղ հաղորդել էինք, որ Բրյուսելում կայացել է Ասոցացման մասին համաձայնագրի քաղաքական մասի ստորագրման արարողությունը ԵՄ-ի և Ուկրաինայի միջև, որին մասնակցել են ԵՄ անդամ բոլոր երկրների պետությունների և կառավարությունների ղեկավարները, ինչպես նաև ԵՄ խորհրդի և Եվրահանձնաժողովի նախագահները, Ուկրաինայի վարչապետ Արսենի Յացենյուկը:
