Եվրամիությունը չեղյալ է հայտարարել հունիսի 3-ին կայանալիք Ռուսաստան-ԵՄ գագաթնաժողովը՝ հայտարարել է ԵՄ խորհրդի նախագահ Հերման վան Ռոմպեյը:
«Մենք չեղյալ ենք հայտարարում ԵՄ-Ռուսաստան հաջորդ գագաթնաժողովը, անդամ-երկրները նույնպես չեղյալ են հայտարարում երկկողմ գագաթնաժողովները»,- ասել է Ռոմպեյը ԵՄ գագաթնաժողովի առաջին օրվա արդյունքներով: Այս մասին փոխանցում է RIA Novosti-ն:
Նշենք, որ ԱՄՆ ֆինանսների նախարարության պաշտոնական կայքում հրապարակվել է ընդլայնված «սև ցուցակը», որում ներառվել են ևս 20 ռուսներ՝ պաշտոնյաներ, գործարարներ, խորհրդարանականներ:
Ռուսաստանի ԱԳՆ-ն իր հերթին հրապարակել է ԱՄՆ ներկայացուցիչների պատասխան ցուցակը, որում ներառվել է հանրապետական Ջոն Մաքքեյնը:
