Ադրբեջանական Salam News գործակալության փոխանցմամբ՝ Ադրբեջանի պետական վիճակագրական կոմիտեի մամլո ծառայությունը հայտնել է, որ հուլիսի 1-ի դրությամբ՝ Ադրբեջանի բնակչությունն աճել է 54,000-ով՝ հասնելով 9,165,000 մարդու։
Ադրբեջանի բնակչության 49.6 տոկոսը կազմում են տղամարդիկ, իսկ 50.4 տոկոսը՝ կանայք։ 22.3 տոկոսը կազմում են մինչև 14 տարեկան երեխաները, 72 տոկոսը՝ 15-64 տարեկանները, իսկ 6 տոկոսը՝ 65 և ավելի տարիք ունեցողները։
Այս տարվա առաջին կիսամյակին Ադրբեջանում ծնվել է 80,200 երեխա՝ միջին հաշվով օրական 443 նորածին։ Ակնկալվում է, որ նրանց կյանքի միջին տևողությունը կազմելու է 73.6 տարի։ Ընդ որում, տղաների դեպքում այդ ցուցանիշը կազմելու է 70.9 տարի, իսկ աղջիկների դեպքում՝ 76.2 տարի։
