The Times թերթի լրագրող Ռոջեր Բոյզը վստահ է, որ Արևմուտքի կողմից սահմանված պատժամիջոցները միայն ռուս բարձրաստիճան պաշտոնյաների ծիծաղը կառաջացնեն: Այս կապակցությամբ Բոյզը առաջարկում է ընդունել մի շարք այլ միջոցներ, որոնք նրա կարծիքով՝ կարող են ազդել Ռուսաստանի վրա: Մասնավորապես, նա ԱՄՆ-ին առաջարկում է Ուկրաինայի իշխանություններին փոխանցել Մոսկվայի և Ուկրաինայում էթնիկ ռուս ակտիվիստների միջև որսած հեռախոսազրույցները և վերականգնել Ղրիմում ուկրաինական հեռուստատեսության հեռարձակումը:
Ռուս բարձրաստիճան պաշտոնյաներից ոմանք հայտարարում են՝ հպարտ են, որ հայտնվել են ԱՄՆ-ի և ԵՄ-ի «սև ցուցակում»: Ռոջերս Բոյզի կարծիքով՝ ռուսական կողմից նման վերաբերմունքը լիովին ընդունելի է: Դրա փոխարեն լրագրողն առաջարկում է գլոբալ հետաքննություն սկսել «Գազպրոմ»-ի գործունեության հանդեպ: Բացի այդ, Բոյզն առաջարկում է Ղազախստանին համոզել դուրս գալ Մաքսային միությունից, որը, ըստ Կրեմլի, պետք է դառնա ԵՄ հակակշիռ: Այս նպատակի համար ՄՄ-ին պետք է անդամակցեր նաև Ուկրաինան, ինչը տեղի չունեցավ: Կորցնելով Ղազախստանին ևս՝ Պուտինը վերջնականապես կզրկվի իր երազանքից:
Բացի այդ, Արևմուտքը Ուկրաինայի կառավարությանը պետք է օգնի դատական հետաքննություն անցկացնել Վիկտոր Յանուկովիչի դեմ՝ գրում է հոդվածագիրը:
