Լուրեր
ՀՀԿ-ն չի կարող նախկին կշիռն ունենալ. Ինչ է ցույց տալիս IRI-ի վերջին սոցհարցումը
  • 22:00
  • 2019-07-09
  • Դիտումներ՝ *

Ամերիկյան միջազգային հանրապետական ինստիտուտի հարցման արդյունքները ոգևորել է Հանրապետական կուսակցության անդամներին, մասնավորապես, Արմեն Աշոտյանը նկատել է, որ «Բարգավաճ Հայաստան» կուսակցությունից հետո Հանրապետական կուսակցությունն է ժողովրդի աջակցությունը վայելում․ ըստ հարցումների՝ «Լուսավոր Հայաստան» կուսակցությունը չորրորդն է՝ հաջորդում է Հանրապետական կուսակցությանը։

«Իրականում, այո, հետաքրքիր հետազոտություն է, բայց որ համեմատենք ընտրությունների արդյունքների հետ, ապա գրեթե էական փոփոխություն տեղի չի ունեցել։ Ցանկացած հետազոտություն ունի անճշտության գործակից, և այդ շեղումը, որ տեղի է ունեցել մեր և Հանրապետական կուսակցության միջև, տեղավորվում է այդ անճշտության գործակցի մեջ։ Բայց կարևորը դա չէ։ Այդ հարցման մեջ կա մի շատ հետաքրքիր գործակից, որը ցույց է տալիս կուսակցության պոտենցիալը։ Այսինքն՝ ընտրողին հարց են տալիս՝ եթե չլինի ձեր նախընտրած կուսակցությունը, ապա ո՞ր կուսակցությանը կընտրեք։ Այդտեղ «Լուսավոր Հայաստան» կուսակցությունը գտնվում է երկրորդ հորիզոնականում՝ ունի 19 տոկոս պոտենցիալ, և դա է, որ տալիս է այդ պաշարը։ Իսկ եթե նայենք Հանրապետական կուսակցության պոտենցիալին, ապա այն կազմում է 2 տոկոս։ Այսինքն՝ եթե իրենց տոկոսը տվյալ պահին 5 է, իսկ պոտենցիալ ունեն 2 տոկոս, ապա իրենց մաքսիմալ տոկոսը կարող է լինել 7 տոկոս։ Ճիշտ է, տվյալ պահին «Լուսավոր Հայաստան» կուսակցությանը 4 տոկոս է, բայց կա նաև 19 տոկոս պոտենցիալ»,- «Առաջին լրատվական»-ի հետ զրույցում ասաց «Լուսավոր Հայաստան» կուսակցության կառավարման խորհրդի անդամ Գրիգորի Դոխոյանը։

«Վերցնենք ուկրաինական ընտրությունները։ Երբ Զելենսկին մտնում էր նախընտրական շրջան, իր տոկոսը բավականին ցածր էր, բայց պետք է նշեմ, որ նրա անտիռեյտինգը նույնպես շատ ցածր էր։ Այսինքն՝ նա ուներ մեծ պոտենցիալ, որը նա օգտագործեց։ Այսինքն՝ այս հարցման դեպքում միայն հղում կատարել այդ տոկոսներին, ընդ որում՝ Հանրապետական կուսակցությունը ընտրությունների ժամանակ հավաքել էր 4,7 տոկոս, իսկ հիմա 5 տոկոս է, դա գրեթե փոփոխություն չի»,- հավելեց Գրիգորի Դոխոյանը։

 

 

Մանրամասները՝ տեսանյութում։

  • Դիտումներ՝ *