Ըստ ոստիկանության օպերատիվ հաղորդագրությունների ամփոփագրերի` հուլիսի 4-ից 8-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 143 դեպք, այդ թվում՝ 8-ը նախկինում կատարված։
Մասնավորապես՝ մարմնական վնասվածք հասցնելու 40, անձնական ունեցվածքի գողության 26, խարդախության 20, թմրամիջոցի հայտնաբերման 8, պաշտոնեական լիազորությունների չարաշահման 5, սպանության սպառնալիքի 4, անձի առեւանգման, գույքի դիտավորությամբ ոչնչացման, խուլիգանության եւ ծեծի 3-ական, բնակարանային գողության, յուրացման կամ վատնման, զենք-զինամթերքի առգրավման, ապօրինի ծառահատման, բնակարանի անձեռնմխելիությունը խախտելու ու ինքնիրավչության 2-ական, կողոպուտի, պետական-հասարակական ունեցվածքի գողության, պաշտոնեական կեղծիքի կամ անփութության, դրամահավաքության, փաստաթղթի կեղծիքի, արդարադատության իրականացմանը խոչընդոտելու, պետական սահմանն ապօրինի հատելու եւ թմրանյութի կամավոր հանձնման 1-ական դեպք:
Հայտնաբերվել է 1 անհետ կորած, 7 հետախուզվող, կամավոր ներկայացել է 4-ը։
Նախկինում կատարված հանցագործություններից բացահայտվել է անձնական ունեցվածքի գողության 3, մարմնական վնասվածք հասցնելու եւ բնակարանային գողության 2-ական ու ավտոմեքենա փախցնելու 1 դեպք։
Անցած 4 օրվա ընթացքում հանրապետությունում արձանագրվել է ճանապարհատրանսպորտային 50 պատահար, ինչի հետեւանքով 8 մարդ զոհվել է, 78-ը՝ ստացել տարբեր աստիճանի մարմնական վնասվածքներ:
