ՌԴ ԱԳՆ պաշտոնական ներկայացուցիչ Մարիա Զախարովան Հայաստանում է: Նա Facebook-ի իր էջում լուսանկարներ է հրապարակել Երևանից։
Զախարովան հայկական բացօթյա ռեստորանում արված լուսանկարների ներքո գրել է. «Ես Երևանում եմ։ Հոգիս դրախտում է հայտնվել»։
Զախարովայի հրապարակմանը անմիջապես արձագանքել են ֆեյսբուքյան հետևորդները՝ խորհուրդներ տալով, թե ինչ կարելի է համտեսել հայկական խոհանոցից։ Նրանցից մեկը հարցրել է՝ որտե՞ղ է խորովածը, և հավելել, որ իր կարծիքով՝ հայկական խորովածը լավագույնն է։
Զախարովան էլ կատակել է, թե ձեռքերը զբաղված էին, խորովածը նկարելու ժամանակ չկար։
Ինչպես հայտնի է, Մարիա Զախարովան Երևանում է Հայ-ռուսական քաղաքական խորհրդակցություններին մասնակցելու համար, որը կմեկնարկի երկուշաբթի՝ հուլիսի 8-ին։