Brand Finance գործակալությունը հրապարակել է ամենաթանկ ամերիկյան ապրանքանիշերի հերթական վարկանիշը՝ կազմված 500 ընկերություններից: Billion Dollar Brands վարկանիշը գլխավորում է Թիմ Կուկի ընկերությունը: Փորձագետները Apple ապրանքանիշը գնահատել են 104.7 մլրդ դոլար: Այս մասին հայտնում է Vesti-ն:
Երկրորդ տեղում Google-ն է: Ապրանքանիշը գնահատվում է 68.6 մլրդ դոլար: Հաջորդում են Microsoft-ը (62.8մլրդ), Verizon-ը (53.5 մլրդ դոլար), General Electric-ը (52.5 մլրդ) և AT&T-ը (45.4 մլրդ):
Այլ տեխնոլոգիական ընկերություններ դասավորվել են հետևյալ հաջորդականությամբ՝ Intel (18-րդ տեղ՝ 22.9 մլրդ դոլար), Hewlett-Packard (24-րդ տեղ՝ 19.8 մլրդ դոլար): Ցուցակում են նաև eBay, Facebook, PayPal և Yahoo! ընկերությունները, որոնք զբաղեցրել են համապատասխանաբար՝ 37-րդ, 48-րդ, 64-րդ և 92-րդ տեղերը:
Ընկերությունների արժեքը որոշվել է գնի հիման վրա, որը նրանք կարող են վճարել իրենց բրենդի լիցենզավորման համար, եթե այն չունենային:
