Իտալիայի նախկին վարչապետ Սիլվիո Բեռլուսկոնիի դուստրերից մեկը կարող է որպես թեկնածու առաջադրվել Եվրոպական խորհրդարանում մայիսին կայանալիք ընտրություններում: Այս մասին հայտնում է «Առաջ, Իտալիա» կուսակցությունը:
Ի սկզբանե, հայտնի քաղաքական գործիչը ծրագրում էր անձամբ մասնակցել մայիսյան ընտրություններին և գլխավորել իր կուսակցությունը: Սակայն նախօրեին Իտալիայի Գերագույն վճռաբեկ դատարանը վերջնականապես հաստատեց վճիռը, որն ավելի վաղ կայացվել էր Բեռլուսկոնիի նկատմամբ ֆինանսական խարդախությունների գործով. նրան արգելվել է 2 տարի զբաղեցնել ցանկացած պետական պաշտոն:
Դեռ հայտնի չէ, թե Բեռլուսկոնիի երեխաներից ով է պատրաստվում իր թեկնածությունն առաջադրել կայանալիք ընտրություններում՝ հայտնում է RIA Novosti-ն:
Բեռլուսկոնիի 47ամյա դուստրը՝ Մարինան, որը ղեկավարում է հոր «կայսրությունը»՝ Fininvest-ն ու Arnoldo Mondadori հրատարակչությունների խումբը, ավելի վաղ բազմիցս ասել է, որ ոչ մի դեպքում մտադիր չէ զբաղվել քաղաքականությամբ:
29-ամյա Բարբարան, որը «Միլան» ֆուտբոլային ակումբի փոխնախագահն է, երևի թե դեմ չէ զբաղվել քաղաքականությամբ:
Ընտրությունները պետքէ տեղի ունենա մայիսի 22-25-ը:
