«Ընդհանուր գաղափարը ճիշտ է, բայց հարկային փոփոխություններին պետք էր նայել համակարգված ձևով։ Եթե միայն դրվում է եկամտահարկի համահարթեցում և դա լրացվում է ակցիզային հարկով, ապա միայն ֆիսկալ խնդիր է լուծվում»,- «Առաջին լրատվական»-ի հետ զրույցում ասաց տնտեսագիտության դոկտոր, պրոֆեսոր Աշոտ Թավադյանը։
Նրա խոսքերով՝ մեր պետության համար այս պահին առաջնահերթ է արտահանման ծավալների բարձրացումը, ներդրումների ներգրավվածությունը և զբաղվածության հարցի լուծումը։ Կառավարության բոլոր գործողությունները պետք է միտված լինեն դրան։
Անդրադառնալով եկամտահարկի համահարթեցմանը, Թավադյանը նշեց, որ դրական է համարում եկամտահարկի նվազեցումը, բայց պետք է ուշադրություն դարձնել, որ դա չազդի մեր արտադրանքի, մեր ապրանքների մրցունակության նվազեցման։ «Եթե դու ուզում ես, որ քո ապրանքը մրցունակ լինի, ապա բոլոր կոմպոնենտները պետք է հաշվի առնել։ Այնպես չէ, որ միայն եկամտահարկ իջեցնելով հարցը կլուծվի, մանավանդ որ ակցիզային հարկ է բարձրացվում։ Պետք է հաշվի առնվեր, թե արդյոք ակցիզային հարկի բարձրացումը կազդի՞ ալկոհոլային խմիչքների, ծխախոտի մրցունակության վրա, քանի որ այդ երկու ապրանքները ներկայումս արտահանվող ապրանքների մեջ գերակշիռ են։ Պետք էր հաշվարկել՝ ակցիզային հարկի բարձրացումից հետո մրցունակ կդառնա՞ն այդ ապրանքները, թե՞ ոչ»,- նշեց Թավադյանը՝ հավելելով, որ փոփոխություններ մշակելիս միայն բյուջեի մուտքերի մասին չպետք է մտածել։
Առավել մանրամասն՝ տեսանյութում։