«Հրապարակ»-ը գրում է. «Հայաստանի երիտասարդական հիմնադրամն այս տարի 780 ուսանողի կրթաթոշակ է տվել: «Բարձր կամ գերազանց առաջադիմություն, սոցիալապես անապահով կարգավիճակ, միակողմանի ծնողազուրկ, սահմանամերձ գյուղի բնակիչ, հասարակական որոշակի ակտիվություն». ահա այն չափորոշիչները, որոնցով առաջնորդվել է Հիմնադրամը։ Սակայն միայն այն փաստը, որ կրթաթոշակ ստացողներն առաջին կուրսեցիներ են, որոնց առաջադիմության մասին խոսելը վաղ է, արդեն կասկածների տեղիք է տվել: Ոմանք ենթադրում են, որ կրթաթոշակի տակ երիտասարդներին «վերբովկա» են անում, որ Հանրապետականի թևի տակ աճեցնեն ու օգտագործեն իրենց նպատակների համար: Մենք զրուցեցինք Հիմնադրամի տնօրեն, ՀՀԿ երիտթևի առաջնորդ Կարեն Ավագյանի հետ։
– Ո՞ր բուհերի ուսանողներն են ընդգրկվել այդ ծրագրում։
– Բոլոր պետական, միջպետական բուհերը և մարզային բուհերը։
– Իսկ ո՞ր կուրսի ուսանողներին է տրվել։
– Միայն առաջին կուրսեցիներին՝ նրանց առաջին կիսամյակի առաջադիմության հիման վրա։ Տարին մեկ անգամ է հայտարարվում նման մրցույթ և միայն առաջին կուրսեցիների համար։ Նպատակը հետևյալն է, որ գերազանց առաջադիմություն ունեցող ուսանողներին խրախուսենք, որ հետո իրենք իրենց առաջադիմությամբ կարողանան ռոտացիոն համակարգով հայտնվել անվճար համակարգում, ինչպես նաև օգնել էն կարիքավոր ուսանողներին, ովքեր ունեն վարձավճարների խնդիր։
– Որքա՞ն գումար է տրամադրվում յուրաքանչյուր ուսանողին։
– Յուրաքանչյուրին՝ 80 հազար դրամ։ Այսինքն՝ 60 մլն դրամը բաշխվել է 180 հոգու միջև։
Մանրամասները՝ թերթի այսօրվա համարում։
Լուսանկարը՝ Photolure-ի