Մերձդնեստրից և Գագաուզիայից հետո, որոնք ձգտում են Մոլդովայի կազմից դուրս գալ, իտալական Վենետո տարածաշրջանը, որի մայրաքաղաքը հանդիսանում է Վենետիկը, լրջորեն մտածել է Իտալիայից անկախանալու մասին:
Ներկայում Վենետոյում քվեարկություն է անցկացվում հանրապետության կազմից դուրս գալու մասին: Հարցումը սկսվել է մարտի 16-ին: Ինչպես սպասվում է՝ այն կավարտվի մարտի 21-ին:
Տեղի բնակիչները պատասխանում են հարցին՝ կցանկանայի՞ն ապրել սեփական պետությունում: Քվեարկությունն անցկացվում է էլեկտրոնային տարբերակով: Կազմակերպիչների համոզմամբ՝ դա կարագացնի Վենետոյի կարգավիճակի վերաբերյալ հանրաքվեի մասին տարածաշրջանային օրենքի ընդունումը:
Plebiscito.eu կայքում անցկացվող քվեարկության հեղինակների գնահատականով՝ քվեարկությանը կմասնակցի մոտ 2 մլն մարդ, որից 2/3-ը, ինչպես սպասվում է, կողմ կարտահայտվի Իտալիայից անջատմանը:
Վենետոյում հանրաքվեի անցկացման պատճառները հիմնականում տնտեսական են: Տարածաշրջանը տարեկան մոտ 71 մլրդ եվրո հարկ է վճարում Հռոմին, իսկ փոխարենն ընդամենը 21 մլրդ դոլար ստանում: Շնորհիվ զբոսաշրջային հոսքի՝ Վենետոն կարող է ինքն իրեն ապահովել՝ ասում են տեղի ակտիվիստները:
Նրանցից մեկի խոսքով՝ եթե Իտալիայի իշխանությունները հրաժարվեն ճանաչել հանրաքվեի արդյունքները, ապա Վենետոյի բնակիչները պատրաստ են իրենց անկախության համար պայքարել, ինչպես Ղրիմում՝ փոխանցում է ITAR-TASS-ը:
