«Հրայր Թովմասյանը Սահմանադրական դատարանի նախագահը չէ, ՍԴ նախագահի լիազորությունները կատարում է Վահե Գրիգորյանը՝ այն փաստի ուժով, որ նա ՍԴ-ում ներկա միակ գործող դատավորն է՝ հաշվի առնելով այն, որ երկրորդ դատավորը, ինչքան գիտենք, դեռևս բացակայում է»,- «Առաջին լրատվական»-ի հետ զրույցում ասաց «Իրավունքի Եվրոպա» հասարակական կազմակերպության նախագահ, փաստաբան Լուսինե Հակոբյանը՝ անդրադառնալով Սահմանադրական դատարանի շուրջ ստեղծված իրավիճակին:
Մեր զրուցակցի խոսքով՝ որևէ մեխանիզմ նախատեսված չէ, որ ՍԴ անդամը դառնա ՍԴ դատավոր. «Իսկ ՍԴ անդամի և ՍԴ դատավորի ոչ միայն լիազորություններն են տարբեր, այլև նրանց առաջադրման ընտրության համար չափանիշներն են տարբերվում, տարբերվում են նաև դատավորների առաջադրման և ընտրության կարգը, նրանց առաջադրվող մասնագիտական և այլ ցենզեր»:
«Չգիտես ինչու՝ այդ մարդկանց թվում է, թե անցումային փուլը պետք է տևի մի 20 տարի, ինչը չլսված բան է. անցումային փուլը չի կարող տևել ավելի երկար, քան ինքնին սահմանադրական փոփոխությունների պարբերականությունը»,- նկատեց փաստաբանը:
Հարցազրույցն ամբողջությամբ՝ տեսանյութում: