Նյու Յորքի ոստիկանությունը հետաքննում է հայտնի դիզայներ Լորեն Սքոթի մահվան հանգամանքները, որը կոստյումներ էր ստեղծում հոլիվուդյան աստղերի ու անգամ ԱՄՆ նախագահ Միշել Օբամայի համար:
49-ամյա Լորենը լեգենդար երաժիշտ Միք Ջագերի ընկերուհին էր:
Նրան հայտնաբերել էին Մանհեթենի սեփական բնակարանում կախված: Անձամբ Ջագերն այդ ժամանակ եղել է Ավստրալիայում, որտեղ մարտի 19-ին պետք է մեկնարկեր նրա՝ այդ երկրում վերջին 8 տարում առաջին շրջագայությունը:
Այդ տխուր նորությունը նրան շոկի է մատնել:
Դիզայների մահվան հստակ պատճառները պետք է պարզի բժշկական փորձաքննությունը:
Ամենայն հավանականությամբ, Լորենն ինքնասպան է եղել: Լրագրողները գուշակում են, թե ինչն է կնոջը նման քայլի դրդել:
Հաղորդվում է, որ նա կախվել է սև ատլասե շարֆով, որն ամրացրել է պատշգամբի դռանը:
Մինչ մահանալը կինը հաղորդագրություն է ուղարկել իր օգնականին՝ խնդրելով իրեն այցելել:
Գալով Սքոթի մոտ՝ օգնականը նրան առանց գիտակցության է հայտնաբերել: Դեպքի վայր ժամանած ոստիկանները արձանագրել էին նրա մահը:
Նրա բնարականում վտանգավոր դեղամիջոցներ ու թմրանյութեր չեն հայտնաբերվել: Կինը գրություն չի թողել մահից առաջ:
New York Post-ը նշում է, որ մինչ մահը Սքոթը բաժանվել է Ջագերից 13 տարվա հարաբերությունից հետո, ինչը նրա համար վերջին կաթիլն է դարձել:
Սքոթը անհաջողություններ էր կրել նաև բիզնեսում, բազմամիլիոնանոց պարտքեր է ունեցել:
Նրա LS Fashion LT ընկերությունն ավելի քան 3,5 մլն ֆունտ ստերլինգի կորուստ ուներ: Բացի դրանից՝ Սքոթը վարկատուներին պարտք էր մոտ 6 մլն դոլար:
