Բրիտանական Ivory Rose կանացի ներքնազգեստի ապրանքանիշը նոր ֆոտոշարք է թողարկել «դրական մարմնով» մոդելների մասնակցությամբ:
Ինչպես նշվում է, արշավի նպատակն «իրական» կանացի մարմինը ցուցադրել է: Նկարահանումներին մասնակցել են տարբեր կազմվածքով, ինչպես նաև մաշկի որոշ թերություններով մոդելներ:
Յուրաքանչյուր մոդել ժանյակավոր ներքնազգեստ է ցուցադրել և նշվում է, որ ոչ մի լուսանկար չի մշակվել: Մոդելների մաշկին կարելի է ցելյուլիտ նկատել:
ֆոտոշարքի նկարահանումներին մասնակցել են նաև ապրանքանիշի հիմնադիրներ 27-ամյա Ֆրենկի Մեյսոնը և 28-ամյա Էյմի Լոն, հաղորդում է Metro-ն:
Ստեղծողները ոգեշնչվել են նման ակցիայի հարցումներից հետո, երբ պարզվել է, որ 18-ամյա աղջիկների 57%-ն իրեն անհարմար է զգում իր մարմնում: