Ի հակակշիռ Ռուսաստանի մշակույթի նախարարության չարաբաստիկ նամակը ստորագրած գործիչների, որոնք աջակցում են Պուտինի քաղաքականության Ուկրաինայի հարցում, եղան նաև շատ դերասաններ, ովքեր դեմ են պատերազմին և կողմ Ուկրաինայի տարածքային ամբողջականությանը: Դրանց թվում է նաև դերասան Կոնստանտին Խաբենսկին: Սոցկայքի իր էջում նա դատապարտել է Վլադիմիր Պուտինի քաղաքականությունը: Դրա հետևանքով նրա «վրա հարձակվել են» նախագահի շատ երկրպագուներ:
Մարդկանց անհավասարակշիռ պահվածքի պատճառով դերասանը որոշել է ջնջել իր էջը`գրելով. «Պետք էր խոսել Ուկրաինայի մասին, երբ վիրավորանքներ և քննադատություններ տեղացին իմ հասցեին: Ընկերներ, կանգնեք, քանի դեռ ուշ չէ: Այո, ես կողմ եմ Ուկրաինային և դրանում ոչ մի վատ բան չեմ տեսնում: Քանի որ դուք այդքան բացասաբար եք վերաբերվում ինձ և բոլոր լուրերին, առաջիկայի համար ջնջում եմ իմ բոլոր կայքէջերը: Շփվեք Ռուսաստանի այլ աստղերի հետ, օրինակ`Սերգեյ Բեզրուկովի, Տինա Կանդելակիի և այլոց: Բոլորին երջանկություն և բարօրություն են մաղթում` բոլոր նրանց, ովքեր սիրում են ինձ և չեն սիրում»:
