Սիրիայի զինված ընդդիմության գրոհայինները ականանետներից կրակ են բացել Լիբանանի արևելքին սահմանակից շրջանների վրա:
Ինչպես հաղորդում է «Ալ-Մայադին» հեռուստաալիքը, սիրիական տարածքից արձակված չորս ռեակտիվ արկ ընկել է շիական Նաբի Օսման և Ալ-Լյաբվե բնակավայրերի վրա: Տուժածների և ավերածության ծավալների մասին տվյալներ չկան:
Ավելի վաղ հաղորդվել էր, որ Լիբանանի արևելքում՝ Սիրիայի հետ սահմանի վրա, պայթել է ականապատ ավտոմեքենա, որի հետևանքով զոհվել է 3, վիրավորվել 5 մարդ: Հարձակման պատասխանատվությունը ստանձնել է «Ահրար Ալ-Սունա» խմբավորումը:
