«Միսս Տիեզերք»-ի նախկին մասնակցին «թրջված անձնագրի» պատճառով թույլ չեն տվել հեռանալ Բալիից

«Միսս Տիեզերք» մրցույթի նախկին մասնակցին՝ Ավստրալիայից, թույլ չեն տվել Բալի կղզուց հեռանալ, քանի որ նրա անձնագրի փոքրիկ հատվածին ջուր էր թափվել, հաղորդում է The Sun-ը։

26-ամյա Թեգան Մարտինը չի կարողացել մեկնել Դենպասարի օդանավակայանից՝ ջրի փոքրիկ հետքի պատճառով։

«Ինձ չեն թողնել ինքնաթիռ մտնել անձնագրիս անկյունում ջրի այս փոքրիկ հետքի պատճառով»,-Instagram-ի իր էջում անձնագրի լուսանկարը հրապարակելով՝ գրել է մոդելը։

Այժմ հայտնի չէ՝ երբ ավստրալուհին կկարողանա լքել երկիրը, քանի որ նրան նոր փաստաթուղթ է անհրաժեշտ։